زبالة الطائفية والتبعية

ما كان عبالي علّق عالأحداث الّي حركّتا “مشكلة الزبالة” بس يلي عم بيصير كتير مُستفز
أكيد استفزني مشهد المتظاهرين الّي عم يتكسّروا لأنو بدّن بلد
ويلّي عم يكسروا ويحرقوا ال باقي من هل البلد
ومشهد هالناس القرفانة يلي بدّا أبسط حقوقا ومن المفروض تكون مؤمّنة بدون أي مظاهرات
“استفزني إنو عم نبزق بوجّن وهنّي بيقولولنا “الدني عم تشتي
…عم نقلّن “نقبروا فلّوا” وهنّي يا جبل ما يهزّك ريح
بس يلي استفزني أكتر من هيدا كلّو إنو نحنا ما قادرين نتّفق ع أبسط حقوقنا
مش قادرين نتفق مع إنّو كلنا ما عم نقدر نتنفس من ريحة الزبالة، كلنا ما عنّا كهربا وكلنا عم
نتبهدل ببلدنا كيف ما مشينا وشو ما عملنا مش قادرين نتفق لأنو الأغلبية بعدا بترجّح كفّة زعيما وطايفتا
السني خيفان من الشيعي ونكاية فيه ما بدّو يعتبر التحرك الشعبي محق
الشيعي مش طايق السنّي وفي كتير قلبوا المظاهرة بس ضدّ
المسيحي مقسوم نصّو مع هيدا ونصّو مع هيدا
الدرزي مش معروف كيف عم يبر
!وبناءً عليه كل طرف مغمّض عيونو عن نص الحقيقة وبيشوف بس النص يلي بيناسبو
يلّي مع 14 آذار عم بيشجعوا قوى الأمن وانشالله “بيقبرون” ويلّي مع 8 عم يلعنوا بيّو ل المشنوق
يعني بلّش التحرك جامع وبعدين صار مصنّف كمان عدة تصنيفات من بينا 8 و 14
! مستقبل-عون \ سني – شيعي \ شو بيعرفني كيف ضيّعوا هال طاسة
أكيد في هالناس المحايدين القرفانين يلي ما صدّقوا شافوا حدا ثار عل وضع ت نزلوا من قلبن وكان فعلاً التحرك نضيف وهادف وواضح
هودي كل حكيي مش موجّه ل إلن أبداً….هودي كتار ب لبنان بس للأسف التابعين أكتر منّن وتأثيرن أكبر وأصلاً هودي لما أخدونا عالحرب أو عالحروب عبر التاريخ….ما قدروا المحايدين يعملوا شي غير إما يبقوا ويكافحوا ت يعيشوا ببلد مدمّر وإما يحملوا ولادن ويمشوا …وأغلبيتن بلا رجعة
المهم ضاعت الطاسة وأكيد كان فيه مندسين وناس انبعتوا ت يخربوا ه التحرك لأنو طبعاً السياسيين خافوا ع كراسين….خافوا لأنو بالنسبة لألن ه الكرسي منجم دهب ولبنان ومؤسساته الخربانة وشعبو الفاتح تمو وماشي
! عم يدّروا علين بالملايين! شو ه الكارثة إذا اتفقنا علين
بس يلي مش عارفينو إنو مع مندسين وبلا مندسين نحنا مش رح نتفق! لما ابن بلدك يضربك لأنك سبيتلو “زعيمو و حبيب القلب” وينسى إنو مبهدل بهل البلد متلو متلك… عايش متل الحيوان همّو ياكل ويشرب وضيّع أحلامو وطموحاته مع الإيام ت حتى نسي ليش هوي عايش أصلاً! بس بعد ما نسي إنو طايفتو أهم من كل شي وحتى لو
! زعيمو كلب وحرامي إيه نكاية بالطايفة التانية أو بالتيار السياسي المخالف أنا بدّي ضل أيدو
هيدا يلي استفزني من أول ما بلشت المظاهرات….استفزني إنو أنا كيف بدي دير ضهري ت هاجم الحكم الفاسد والسرقة والنهب …و….و…و…و….بدون ما ابن بلدي يطعننّي ب ضهري؟ متل ما شفنا الجواب إنو ما فينا
 
السني والشيعي والدرزي والمسيحي هودي أكتر بكتير من “اللبنانيي
عرفتوا هلّق ليش المسؤولين متمسحين ومش فرقانة معّن؟ عرفتوا لي منبزق علين وهنّي بيضحكوا علينا؟ عرفتوا من وين جايبين هل الثقة؟
!جايبينا من طائفيتنا وهبلنا وتبعيتنا وخوفنا من بعضنا
! ! جايبينا من ثقتن إنو بالرغم من كل يلي عم بيصير، إذا صار إنتخابات رح يرجعوا يطلعوا
! إيه رح يطلعوا…كلّن
بيكفي خطاب واحد ع وتر الطائفية وبينزلوا السنة وبيحطوا الورقة “زي ما هيي” والشيعة بيصرخوا “لبيك يا نصر الله” أو غيرو مش مشكل بس في عبارات صارت جزء من ثقافتنا!
!! والمسيحيي يا هون يا هون والدرزي حسب كيف الدفة بوقتا…والباقي بيروح بالدعس
هيدي مش نظرة تشاؤمية، هيدا واقع انشالله ما يرجع يصير هيدا شي عم نشوفوا كل يوم، عم بيصير قدام عيوننا
بالأحرى هيدا الواقع هوي سبب فشل الحراك الشعبي لأنّو أصلاً هودي كلّن موجودين بالسلطة وحاكمينّا
… بالجزمة….من ورانا نحنا! من ورا تعصّبنا وجهلنا وخوفنا….من ورا طائفيتنا وكرهنا للطرف الآخر
وحكيي هيدا مش إنو ما بآمن بالثورة والتغيير، بالعكس أنا بدّي ثورة تطيح بكل شي عم يمنعنا نعمل بلد بس إذا ما اتفقنا ع أبسط حقوقنا كيف بدنا نثور صف واحد ونعمل بلد واحد؟ كيف بدنا نكون لبنانيي وبس لبنانيي؟ حتى لو انشالت الزبالة من الطرقات ونضف هل البلد هل رح نقدر نحنا نشيل زبالة الطائفية والتبعية من نفوس الناس؟ زبالة الطرقات صرلا شهرين و”كعينا” بس التانية صرلا سنين وقرون…شو قولكن معقول تنشال ع إيامنا؟
بيبقى وللأمانة تحية إجلال واحترام ل يلي ربوا وعم يربوا ولادن بلا طائفية وتبعية وتحية
! أكبر ل يلي اشتغلوا ع حالن وصاروا بس لبنانيي

Written on Thursday, September 17, 2015

I was right when I wrote this especially that they elected the same people on May, 2018!

Advertisements

Categories: Political

Tagged as: ,

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.